प्रतिनिधि सभाको चुनावका लागि निर्वाचन आचारसंहिता लागू हुँदा पनि स्थानीय सरकारका विकास निर्माणका कार्य नरोकिने भएको छ।
बिहीबार स्थानीय जनप्रतिनिधिका अगुवासँगको छलफलमा कार्यवाहक प्रमुख निर्वाचन आयुक्त रामप्रसाद भण्डारीले निर्वाचन आचारसंहिता लागू हुँदा पनि विकास निर्माणका कार्यमा बाधा नपुग्ने बताएका हुन्। निर्वाचन आचारसंहिता जारी भएपछि सरकारी स्रोतको दुरूपयोग गरी मतदातालाई प्रभावित गर्न नदिइने तर नियमित विकास निर्माणका काम नरोकिने भण्डारीले बताए।
छलफलमा गाउँपालिका राष्ट्रिय महासंघ नेपाल, नेपाल नगरपालिका संघ, जिल्ला समन्वय समिति महासंघ, नेपालका प्रमुख तथा प्रतिनिधिको सहभागिता रहेको थियो।
प्रतिक्रिया दिनुहोस
