पोखरा – पोखरामा जीप दुर्घटना हुँदा एक जनाको मृत्यु भएको छ । दुर्घटनामा परी दुई वृद्धा घाइते भएका छन् ।
बुधबार बिहान पोखरा वडा नं. १८ चिसाखोला नजिक मेथ्लाङमा भएको दुर्घटनामा परी चालक ४९ वर्षीय कृष्णबहादुर थापाको मृत्यु भएको हो ।
बाग्लुङ बसपार्कतर्फ झर्दै गरेको ग ३ च २६०३ नं. को दुध बोक्ने बोलेरो जीप अनियन्त्रित भई सडकको दाँया तर्फबाट २० फिट जति खसेको थियो ।
घाइते थापालाई उपचारका लागि मणिपाल शिक्षण अस्पताल लगिएकोमा १०ः२० बजे मृत घोषणा गरेको कास्की प्रहरीले जानकारी दिएको छ ।
दुर्घटनामा परी घाइते भएका पोखरा १८ ग्यारजातीकै बर्ष ६९ की हिमकला थापा र ७० वर्षीया चन्द्रकला थापाको उपचार भइरहेको छ । हिमकलाको टाउकोमा चोट र चन्द्रकलाको ढाडमा चोट लागेको प्रहरीले जनाएको छ ।
प्रतिक्रिया दिनुहोस
