वाईसीएल नेपालले कास्कीको बिभिन्न ठाउँमा आफ्नो सक्रियता देखाउदै गएको छ । संगठन बिस्तारमा जोड दिईरहेको वाईसीएलले कास्कीमा वडा कमिटि, गाउँपालिका कमिटी साथै बिभिन्न ठाउँहरुमा आफ्नो संगठन बिस्तारको क्रम निरन्तर चलाएको छ ।
यसैबिच संगठन बिस्तारको क्रममा मादी गाउँपालिकामा ४१ सदस्यिय गाउँपालिका कमिटी समेत गठन गरेको छ । शनिबार गाउँपालिकामा भएको भेला सम्मेलन बाट सागर गुरुङको नेतृत्वमा ४१ सदस्यिय मादी गाउँपालिका कमिटी गठन भएको हो ।
प्रमुख अतिथि अर्थ तथा बिकास समिति सभापति दिपक कोईरालाको प्रमुख अतिथ्यतामा सम्पन्न उत्त कार्यक्रममा पुर्ब साम्सद तेज कुमारी पौडेल “शितल” वाईसीएल जिल्ला इन्चार्ज मेख बहादुर बिक “पहाड” वाईसीएल केन्द्रिय अनुशासन आयोग सदस्य सन्देश पुन लगायतको उपस्थिति रहेको थियो । संगठन बिस्तारकै क्रममा माछापुच्छ्रे गाउँपालिकामा पनि अध्यक्षमा जीवन अधिकारी चयन भएका छन् । वाईसिएल माछापुच्छ्रे गाउँपालिकाको शनिबार भएको अधिवेशनले अधिकारीको अध्यक्षतामा ३१ सदस्यीय वाईसिएल गाउँपालिका कमिटी चयन गरेको हो ।
यस्तै वाईसीएल कास्कीले यस अघि आफ्नो संगठन बिस्तार गर्दै अन्नपूर्ण गाउँपालिकामा करण सिहको नेतृत्वमा ४१सदस्यिय गाउँपालिका कमिटी, पोखरा महानगरपालिका ३३ मा युबराज पुनको नेतृत्वमा २७ सदस्यिय वडा कमिटी, वडा ३२ मा सुवास अधिकारीको नेतृत्वमा ५१ सदस्यीय वडा कमिटी समेत बिस्तार गरीसकेको छ ।
