भकुण्डे युवा मञ्चद्वारा आयोजित दोस्रो भकुण्डे मेला २०७९ बिभिन्न कार्यक्रम सहित पोखरा १८ भकुण्डेमा सम्पन्न भएको छ ।
पोखरा महानगरपालिका १८ का वडा अध्यक्ष शिब प्रसाद तिमिल्सिनाको प्रमुख आतिथ्यतामा भएको मेलामा तिज गित प्रतियोगिता, नृत्य प्रतियोगिता समेत राखिएका थिए भने मेलामा बबि पराजुली, सुरेस थापा, कृष्ण भट्टराई, शोभा सेन जस्ता गायक गायिकाहरुको समेत प्रस्तुति रहेको थियो ।
भकुण्डे युवा मञ्चका अध्यक्ष सन्तोष अधिकारीको अध्यक्षतामा भएको मेलामा तिज गित प्रतियोगिता तर्फ नयाँ बस्ति आमा समुह ( घाटि छिना ) ले प्रथम स्थान हात पार्न सफल भएको थियो । यस्तै द्वितीय स्थान थापा दिदि समुह ( भकुण्डे ) ले हात पारेको थियो भने तृतीय स्थान मिलन आमा समुह ( भकुण्डे ) भएका थिए ।
यता नृत्य प्रतियोगिता तर्फ अन्किता गुरुङको समुहले प्रथम स्थान हासिल गरेको थियो भने द्वितीय स्थानमा सजिना सुनार र तृतीयमा बिपना थापाले बाजि मारेका थिए ।
