नेपालमा थप दुईजनामा कोरोना संक्रमण भएको पुष्टि भएको छ । सोमबार थप दुईजनामा कोरोना संक्रमण भएको भेटिएकपछि नेपालमा कोरोना संक्रमितको सङ्ख्या १४ पुगेको हो ।
स्वास्थ्य मन्त्रालयले दिएको जानकारी अनुसार सोमबार कैलालीमा एक र रौतहटमा एकजनामा संक्रमण भएको पुष्टि भएको हो ।
कैलालीमा भेटिएका संक्रमित बिरगंजबाट कैलाली गएकी ६५ वर्षिय महिला हुन भने रौतहटमा भेटिएका १९ वर्षिय पुरुष हुन । उनिहरु दुवैजना स्थानीय क्वारेन्टाईनमा थिए । अहिले दुवैजनालाई आइसोलेसनमा राखेर उपचार भईरहेको छ । नेपालमा संक्रमित भेटिएका एकजना उपचारपछि निको भएर घर फर्किएका छन भने अन्य १३ जना अहिले उपचारत छन ।
संक्रमितमध्ये दुईजना काठमाण्डौ, ५ जना धनगढी, दुईजना बाग्लुङ र तीनजना बिरगंजस्थित नारायणी अञ्चल अस्पतालमा उपचाररत छन ।
प्रतिक्रिया दिनुहोस
